Factsheet 43 in Philippine General Hospital

Muli namin kayong inaanyayahan na tunghayan ang ikalimang pag-eeksibit ng Fact Sheet 43. Sa pagkakataong ito, gaganapin ang eksibisyon sa Philipppine General Hospital (PGH), sa Agosto 23-31, 2010.

Magiging espesyal sana ang exhibit na ito sa PGH dahil inaasahan naming masisilayan pa ito ni Judilyn Oliveros, isa sa Morong 43 detainee na nanganak sa PGH noong July 22.

Subalit ang masaklap nito, tinanggihan ng Morong RTC ang motion for release on recognizance at ikinulong na muli si Judilyn sa Bicutan kasama ang kanyang bagong silang na sanggol!

Hindi man lamang pinakinggan ng korte ang kanyang petisyon na maalagaan at mapasuso ang kanyang sanggol sa loob ng 6 na buwan sa labas ng kulungan.

Ganito ba ang matuwid na daan?

Tunghayan nating muli ang pagtatangka ng mga artistang palayain ang 43 health workers. Palakasin pa natin ang panawagan para sa katarungan at pagpapalaya sa 43. Maging bahagi ng panawagang ito, dumalo sa Fact Sheet 43 Exhibit sa Philippine General Hospital.

Free the 43 Now!

Magkakaroon ng misa ng 7am bago ibukas ang exhibit ng 8:30 am sa Agosto 23.

Ang Fact Sheet Exhibit sa PGH ay naisakatuparan sa pakikipagtulungan ng ALL UP Workers’ Union, Free the 43 Alliance at Defend-ST.

Click here for more information.